Qujaty joq afrıkalyqtar Almatyda zańsyz jumys istep júrgen
ALMATY. KAZINFORM — Almaty qalasy kóshi-qon qyzmetiniń málimetine sáıkes, Afrıka elderiniń azamattary qalanyń túrli nysandarynda zańsyz jumys istegen.
«Qalanyń ortalyq bóliginde jergilikti reıd júrgizildi. Barlyǵy 40 sheteldik ustaldy, onyń kópshiliginde jeke basyn rastaıtyn qujattary joq. Aldyn ala málimet boıynsha, ustalǵandar — kórshiles memleketterdiń azamattary, sondaı-aq Afrıka qurlyǵyndaǵy elderdiń azamattary. Ustalǵandardyń jeke basy tolyq anyqtalǵansha olar qabyldap-taratý ornyna ornalastyryldy. Olarǵa qatysty Qazaqstan kóshi-qon zańnamasyn buzǵany týraly materıaldar jınalady», — dedi Almaty qalalyq PD Kóshi-qon qyzmeti basqarmasynyń bastyǵy, polıtsııa polkovnıgi Ashat Býtýnchınov.
Eske salaıyq, buǵan deıin Almatyda zańsyz júrgen Afrıka azamattary deportatsııalanǵanyn jazǵan edik.
Sondaı-aq Almatyda zańsyz kýrerlik qyzmetpen aınalysyp kelgen shetel azamattary ustaldy.
