Kúzgi jıyn-terim naýqanyna 23 mlrd. teńgeden astam somaǵa aýyl sharýashylyǵy tehnıkalary satyp alyndy - «QazAgro»
ASTANA. QazAqparat - Kóktemgi egistik jumystaryn jáne kúzgi jıyn-termge 23,4 mlrd. teńge somaǵa 1971 aýyl sharýashylyǵy tehnıkasy satyp alyndy. Bul týraly búgin «QazAgro» UBH» AQ tóraǵasynyń orynbasary Qaırat Aıtýǵanov málim etti.
«Respýblıkanyń sharýashylyqtary men agroqurylymdaryn tehnıkamen jabdyqtaýǵa ulttyq holdıng 30,6 mlrd. teńge baǵyttaýdy josparlap otyr. Sharýalardyń qajetti aýyl sharýashyly tehnıkalaryn satyp alýlaryna kómek berý úshin holdın qurylymyndaǵy «QazAgroFınans» AQ-y lızıng jáne nesıeleý syndy tetikterdi qoldanýda. Búgingi tańda kóktemgi egistik jumystaryn jáne kúzgi jıyn-terimge 23,4 mlrd. teńge somaǵa 1971 aýyl sharýashylyǵy tehnıkasy satyp alyndy», - dedi ol.
Aǵymdaǵy jyldyń 14 tamyzy kúngi jaǵdaı boıynsha holdıngtiń kompanııalar tobymen 2014 jylǵy kóktemgi egis jáne astyq jınaý naýqany jumystary aıasynda 30,1 mlrd. teńgeniń 3 577 ótinimi maquldandy, Onyń 29,2 mlrd. teńgesine 3 504 ótinim qarjylandyryldy.
Q.Aıtýǵanovtyń sózine qaraǵanda, aǵymdaǵy jyly holdıng shaǵyn jáne orta fermerlik sharýashylyqtardy damytýǵa aıryqsha nazar aýdaryp otyr. Sonyń esebinen bıyl ótinimder sany arta túsken.
