Kúzgi áskerge shaqyrý naýqany bastaldy - QR Qorǵanys mınıstrligi
ASTANA. 1 qazan. QazAqparat - Elimizdiń barlyq Qorǵanys isteri jónindegi departamentterinde áskerge shaqyrý komıssııasynyń jumysy bastaldy. Bul týraly vedomstvonyń baspasóz qyzmeti habarlady.
Áskerdi keıinge qaldyrý nemese áskerden bosatylý quqyǵy joq on segiz ben jıyrma jeti aralyǵyndaǵy er balalar Qazaqstan áskeriniń qataryn toltyrýda.
Ústimizdegi jyldyń kúzinde merzimdi áskerge 14 myńnan astam er balalardy shaqyrý josparlanýda. Onyń ishinde shamamen 6 myńǵa jýyǵy QR Qorǵanys mınıstrliginiń áskerı bólimderinde qyzmetterin atqarmaq, qalǵandary - Respýblıkalyq gvardııada, QR Іshki ister mınıstrliginiń Іshki áskerlerinde, QR Ulttyq qaýipsizdik komıtetiniń Shekara qyzmeti men QR Tótenshe jaǵdaılar mınıstrliginiń áskerı bólimderinde Otan aldynda boryshtaryn ótkeredi.
2012 jylǵy kúzgi áskerge shaqyrýdyń ereksheligi - shaqyrylýshylarǵa qoıylatyn talaptardyń ósýinde, atap aıtsaq densaýlyqqa, moraldyq-psıhologııalyq turaqtylyq pen bilim deńgeıine qatysty bóliginde.
QR Qarýly kúshteri qataryna kóbinese joǵary nemese arnaıy orta bilimi bar jastar shaqyrylatynyn aıta ketken jón. Bul óz kezeginde bir jyldyq áskerı qyzmettiń ishinde áskerı daıyndyqqa qajetti daǵdylardy meńgerip alýǵa jaqsy kómektesedi.
Ústimizdegi jyldyń aqpan aıynda «Áskerı qyzmet jáne áskerı qyzmetshilerdiń mártebesi týraly» Zań qabyldanǵan edi, onda áskerge shaqyrylýshy jastar úshin jaýapkershilik tek qana áskerı qyzmetshilerdiń moınynda ǵana emes, sonymen qatar oǵan jergilikti densaýlyq saqtaý memlekettik mekemeleri men jergilikti oryndaýshylyq organdar da jaýapty dep anyq jazylǵan.
Medıtsınalyq kýálandyrýdy jaqsartý boıynsha qosymsha sharalar qabyldanǵan. Búginde áskerge shaqyrylýshy esirtki testisinen ótedi, gepatıt, týberkýlez sııaqty aýrýlardy anyqtaýda zerthanalyq zertteý jumystaryna degen talaptar ósti.
