Kúzge deıin Almatyda birqatar kóshe jóndeýge jabylady

ALMATY. QazAqparat – Almatyda 30 tamyzǵa deıin birneshe kóshe jylý jelilerin qalpyna keltirý úshin jabylady, dep habarlaıdy QazAqparat tilshisi.

«Almaty jylý júıesi» kásipornynyń málimetinshe, 10 mamyrdan 30 tamyzǵa deıin Almatyda jylý jelilerin josparly qaıta qurylymdaýǵa baılanysty birneshe kóshe boıynsha avtomotokólikterdiń qozǵalysy shekteledi:

- Medeý aýdanynda Qazybek bı kóshesimen (Ýálıhanov kóshesinen Abdýllınder kóshesine deıin) ótetin jol jabylady;

- Bostandyq aýdanynda qozǵalys Gandı kóshesimen («Nursultan Nazarbaev qory» JQ-dan Batys Jeltoqsan kóshesine deıin) toqtatylady.

«Engizilgen shekteýler atalǵan kóshe segmentteriniń júris bóliginiń astynan ótetin qubyrlardy qaıta qurylymdaý boıynsha jumystardyń qaýipsizdigin qamtamasyz etý úshin qajet. Jergilikti turǵyndarǵa qolaıly jaǵdaıdy saqtaý úshin úılerge ystyq sý ýaqytsha shema boıynsha beriletin bolady»,- dep habarlady «Almaty jylý jelileri» JShS baspasóz qyzmetinen.

Kompanııa keltirilgen qolaısyzdyq úshin almatylyqtardan keshirim surady.

Sonymen qatar júrgizýshilerge jol júrý baǵytyn aldyn ala josparlaýǵa keńes berdi.