Ámir Maımuratov quzǵa órmeleýden Olımpıada rekordyn jańartty

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda búgin sporttyq quzǵa órmeleý básekesinde qazaqstandyq Ámir Maımuratov Olımpıada rekordyn jańartty.

Parıjde quzǵa ormeleýden erler arasynda jyldamdyqqa jarysta qazaqstandyq Ámir Maımuratov 1/8 fınalda Djoshýa Brıýınsty jeńip, shırek fınalǵa ótti. Ámir 4,49 sekýndta, Djoshýa 5,89 sekýndta quzǵa shyqty.

Otandasymyz irikteýde quzǵa 4,89 sekýndta órmelep, olımpıada rekordyn jańartty. Atletter «jyldamdyq» dıstsıplınasy boıynsha baq synady. Osydan soń, ári qaraıǵy týrnır kestesi qurylady. Qazirgi tańda alǵashqy aınalym jalǵasýda.

Shırek fınal erteń, 7 tamyz Qazaqstan ýaqytymen 15:35-te bolady.

Aıta keteıik, Ámir osy baǵdarlamada Olımpıadaǵa qatysatyn Qazaqstan quramasynyń jalǵyz sportshysy. Ol keıingi álem chempıonatynda 27-shi, Azııa oıyndarynda jetinshi orynǵa ıe bolǵan edi.

Esterińizge sala keteıik, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Olımpıadashylar 32 sport túrinen 329 medal jıyntyǵyn sarapqa salyp jatyr.

Qazir Qazaqstan quramasynyń qorjynynda 1 altyn, 1 kúmis, 2 qola medal bar.