Quzǵa órmeleýden Álem kýbogynyń kezeńi: qazaqstandyqtardyń nátıjesi qandaı
ASTANA. KAZINFORM — Frantsııanyń Shamonı qalasynda sporttyq quzǵa órmeleýden Álem kýbogynyń kezeńi aıaqtaldy.
Otandastarymyz «jyldamdyq» baǵdarlamasynda synǵa tústi.
Qurama sapynda eń úzdik nátıjeni Damır Toqtarov kórsetti. Ol 13-orynǵa turaqtady. Al Rıshat Haıbýllın 14-oryn, Ámir Maımuratov 26-oryn, Rashıd Haıbýllın 35-oryn, Álisher Murat 50-orynǵa taban tiredi.
Áıelder arasyndaǵy básekede Tamara Ýljabaeva 35-oryn, Anna Balarshına 42-oryn, Arına Novıtskaıa 50-orynnan kórindi.
Eske salaıyq, buǵan deıin Qazaqstan erler komandasy taekvondodan álem kýbogynyń kúmis júldegeri atanǵanyn habarlaǵanbyz.
