Quzǵa órmeleý: Qazaqstan quramasy pleı-off kezeńine shyqty
ASTANA. KAZINFORM — Qytaıdyń Sanıa qalasynda ótip jatqan 2026 jylǵy jaǵajaıdaǵy Azııa oıyndarynda sporttyq quzǵa órmeleýden estafetalyq básekeler bastaldy. Bul týraly Ulttyq olımpıada komıteti jazdy.
Áıelder arasyndaǵy irikteý kezeńine Qazaqstan atynan eki jup qatysty. Tamara Ýljabaeva men Anna Balarshına úzdik múmkindikterinde 16.81 sekýnd ýaqyt nátıjesin tirkep, 8-orynmen 1/8 fınalǵa joldama aldy. Al Alına Lvova men Arına Novıtskaıa 17.94 ýaqyt nátıjesimen 11-orynǵa jaıǵasty.
Erler arasyndaǵy básekede qos qazaqstandyq jup 1/8 fınalǵa joldama aldy. Ámir Maımuratov pen Damır Toqtarov úzdik múmkindikterinde 10.26 sekýnd ýaqyt nátıjesin kórsetip, ekinshi orynmen 1/8 fınalǵa ótti. Sondaı-aq Rıshat jáne Rashıd Haıbýllın 10.82 sekýnd ýaqyt kórsetkishin tirkep, irikteýde tórtinshi orynǵa jaıǵasty.
Aıta keteıik, áıelder arasynda pleı-off kezeńine shyǵý úshin úzdik segiz quramanyń qataryna ený qajet boldy. Al erler básekesinde 1/8 fınalǵa joldama alý úshin eń úzdik 16 komandanyń qatarynan kóriný kerek edi. Aıta keteıik, 1/8 fınal básekeleri búgin, Astana ýaqytymen 17:00-de bastalady.
Rıshat Haıbýllın Azııa jaǵajaı oıyndarynyń qola júldecin jeńip alǵan bolatyn.
