Kúzgi shaqyrylymnan 11 460 sarbaz tegin oqýǵa nıetti – mınıstrlik
Elimizde tegin oqyǵysy keletin sarbazdar sany artyp keledi, dep habarlaıdy Kazinform.
«Kúzgi áskerge 17 253 sarbaz shaqyryldy. Onyń ishinde Qorǵanys mınıstrligi 7354 sarbaz, Ulttyq gvardııa 6402, Tótenshe jaǵdaılar mınıstrligi jáne Ulttyq qaýipsizdik komıtetine 3397 sarbaz. 17 253 sarbazdyń 11 460 sarbaz oqýǵa túsýge nıet bildirdi. Bul 66,4 %. Al áskerı joǵary oqý oryndarynda oqýǵa 830 sarbaz nıet bildirip otyr», - dedi Qorǵanys mınıstriniń keńesshisi Aıgúl Tólembaeva Ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, sarbazdardyń deni memlekettik ýnıversıtetterde oqyǵysy keledi.
«Bıyl qyrkúıekten bastap 2022 jylǵy kóktemgi áskerge shaqyrylǵan 600-den astam azamat bilim berý jeńildikterin alyp, JOO-da oqýdy bastady. Jeńildetilgen oqytýǵa úmitkerler ásirese Ál-Farabı atyndaǵy Qazaq ulttyq ýnıversıtetine, L.N. Gýmılev atyndaǵy Eýrazııa ulttyq ýnıversıtetine, «Astana IT University» JShS men M. Áýezov atyndaǵy Ońtústik Qazaqstan ýnıversıtetine úlken qyzyǵýshylyq tanytty, – dedi ol.
