Kúzetshi jeti metrlik jylanmen aıqasyp jeńdi
ASTANA. QazAqparat - Indonezııanyń Rıaý provıntsııasynyń turǵyny jeti metrlik jylanmen aıqasyp, ony jeńdi. Jergilikti turǵyndar jeńisiniń nátıjesi retinde óli jylandy qystaq mańyna ilip, sýretterin áleýmettik jelige júktegen, dep jazady Daily Mail.
37 jastaǵy kúzetshi Robert Nababan jumystan qaıtarda eki adamnyń joldan ótýine kedergi bolyp jatqan úlken jylandy kóredi. Jeti metrlik jylanmen aıqasqa kirisedi. Bar kúshin salǵan Robert jylandy jeńedi, biraq óziniń qolyn qatty jaraqattap alady.
Oqıǵa Indonezııanyń Rıaý provıntsııasynda bolǵan. Al óltirilgen jylandy jergilikti turǵyndar qystaq mańyna ilip qoıǵan.
Ólgen jylannyń sýretterin Feısbýkke Roberttiń jubaıy Rısdavatı salǵan.
