Kúzet qyzmetkeri shashynan súıregen qyz er adam bolyp shyqty – Qostanaı oblysy
QOSTANAI. QazAqparat – Qostanaı oblysynyń polıtsııa departamenti kúzet agenttigi qyzmetkeriniń qatysýymen bolǵan vıdeo týraly resmı aqparat taratty, dep habarlaıdy QazAqparat tilshisi.
Áleýmettik jelilerde «Arystan» kúzet agenttigi qyzmetkeriniń qyzdy shashynan súırep, kólikke mingizip jatqan vıdeosy tarady. Qostanaı oblysy polıtsııa departamentiniń baspasóz hatshysy Irına Bejenardiń aıtýynsha, oqıǵa keshe saǵat 16.50-de bolǵan.
«Pýlttik kúzetti Abaı-Bykovskıı dańǵylynda ornalasqan janarmaı quıý stantsııasynyń operatorlary shaqyrdy. Oqıǵa ornyna «Arystan» jedel áreket etý toby jetti. Olar qyzdyń janarmaı quıý beketi áınekterine tas laqtyryp, asfalt tóseýshi jumysshylardy urǵanyn anyqtady. Qyzdy ustaý kezinde kúzetshiler jaraqat alǵan. Kúzet qyzmetkerleri kúdiktini polıtsııanyń «Ońtústik» bólimine jetkizdi. Onyń 1988 jyly týǵan er adam ekeni anyqtaldy. Ol Nur-Sultan qalasynan kelgen», - dedi Irına Bejenar agenttik tilshisine.
Sondaı-aq, polıtsııa vıdeodaǵy kúzetshiniń is-áreketine baılanysty QR QK 252-baby, 1-bólimi («Jeke kúzet qyzmeti qyzmetkerleriniń ókilettikterin asyra paıdalanýy») boıynsha sotqa deıingi tergeýdi bastady.
«Al kúdiktiniń áreketine alǵashqy materıal jınalǵannan keıin bir táýlikte baǵa beriledi», - dep atap ótti polıtsııanyń baspasóz hatshysy.
