Kúzet qyzmeti dabyl túımesin basyp úlgerdi – Kaspi bank

ASTANA. QazAqparat – Kaspi banktiń baspasóz qyzmeti qarýly adam bankke kirgen boıda kúzet qyzmeti dabyl túımesin basyp úlgergenin málim etti, dep habarlaıdy QazAqparat tilshisi.

«18 maýsymda qarýly adam Kaspi banktiń bólimshesine shabýyl jasap, qyzmetkerlerge qaýip tóndi. Qúzet qyzmeti talapqa saı dabyl túımesin dereý iske qosty. Tıisinshe bul jerge polıtsııa jedel jetti. Kepilge alynǵan adamdardy bosatý operatsııasy 2 saǵatqa sozyldy jáne sátti aıaqtaldy», - dep málim etti banktiń baspasóz qyzmetinen.

Eske salaıyq, elordadaǵy Kaspi banktiń ǵımaratynda qarýlanǵan er adam birneshe kisini kepilge alǵanyn habarlap edik.

Polıtsııa qyzmetkerleri kepilge alynǵan adamdardy bosatty.

Іshki ister mınıstri Marat Ahmetjanov qazir kúdiktige qatysty tergeý amaldary júrip jatqanyn málim etti.