Kúzdiń yzǵarly lebi keldi: 8–10 qazanda qar aralas jańbyr jaýady
ASTANA. KAZINFORM — «Qazgıdromet» 8–10 qazanǵa arnalǵan Qazaqstan boıynsha aýa raıy boljamyn usyndy. Mamandardyń málimetinshe, aldaǵy kúnderi eldiń basym bóliginde aýa raıy turaqsyz bolyp, jańbyr, soltústik jáne shyǵys óńirlerde sýly qar jaýady. Shyǵysta kóktaıǵaq kútiledi.
— 8–10 qazanda atmosferalyq frontaldy bólikterdiń ótýine baılanysty Qazaqstannyń basym bóliginde aýa raıynyń turaqsyz sıpaty saqtalady, jańbyr jaýady. Eldiń soltústik-batysynda, soltústiginde jáne shyǵysynda jańbyr jáne sýly qar túrinde jaýyn-shashyn kútiledi, shyǵysynda kóktaıǵaq qubylystary boljanady. Tek respýblıkanyń batysy men ońtústiginde antıtsıklonnyń áserinen jaýyn-shashynsyz aýa raıy kútiledi. Respýblıka boıynsha jeldiń kúsheıýi boljanady, túngi jáne tańerteńgi saǵattarda tuman kútiledi, — delingen habarlamada.
Eldiń batysynda túnde aýa temperatýrasynyń negizgi fony +5+16°S, kúndiz +17+22°S-tan +22+27°S-qa deıin joǵarylaıdy.
Soltústik-batysta, soltústikte jáne ortalyqta túnde aýa temperatýrasy +3+13°S-tan -1-6°S-qa deıin tómendeıdi, kúndiz aýa temperatýrasynyń negizgi fony +10+17°S bolady.
Shyǵysta túnde aýa temperatýrasynyń negizgi fony 0,+8°S, kúndiz +10+15°S-tan +2+7°S-qa deıin tómendeıdi.
Ońtústikte jáne ońtústik-shyǵysta túnde aýa temperatýrasynyń negizgi fony +3+10°S, taýly aýdandarda 2°S-qa deıin úsik kútiledi. Kúndiz aýa temperatýrasy +17+25°S, taýly aýdandarda +12+17°S bolady.
Buǵan deıin búgin Qazaqstannyń birqatar óńirinde 8 qazanǵa eskertý jarııalanǵanyn jazdyq. Sınoptıkter keı aımaqtarda qar, kóktaıǵaq, tuman jáne 30 m/s-qa deıin jetetin qatty jel bolatynyn eskertti. Aldaǵy úsh kúnde kún sýytyp, keı jerlerde úsik júredi.
