Kúzden bastap pedagogıkalyq mamandyqta oqıtyn stýdentterdiń stıpendııasy 84 myń teńge bolady

ASTANA. KAZINFORM – Ǵylym jáne joǵary bilim mınıstriniń orynbasary Gúlzat Kóbenovanyń aıtýynsha, 2020 jyldan beri stýdentterdiń shákirtaqysy 2 ese ósken.

- Joǵary bilim qoljetimdiligin arttyrýdaǵy erekshelikterdiń biri – bıyl qabyldanǵan «Keleshek» Biryńǵaı erikti jınaqtaý júıesin endirý týraly Zań. Bul zań stýdentterdi qoldaýdyń qosymsha sharalaryn keńeıtýge múmkindik beredi. Zań qabyldanǵannan beri, 8 aıda 35 myńǵa jýyq salymshylar «Keleshek» júıesine tirkeldi. Ákimdikter, jumys berýshiler, ártúrli qorlar bıyl da jyldaǵydaı memlekettik granttardan basqa 5 myńǵa jýyq grant bóldi, - dedi ol ortalyq kommýnıkatsııalar qyzmetinde ótken baspasóz máslıhatynda.

Vıtse-mınıstr stýdentterdiń stıpendııasynyń mólsheri 2020 jylmen salystyrǵanda 2 ese ulǵaıtylǵanyn aıtady.

- 1 qyrkúıekten bastap bakalavrlardyń stıpendııasy 52 372 teńge, pedagogıkalyq mamandyqtar úshin 84 myń teńge, magıstranttar úshin 117 098 teńge, al doktoranttar úshin 262 500 teńge bolady, - dedi Gúlzat Kóbenova.

Aıta keteıik, Ońtústik Qazaqstan joǵary medıtsınalyq kolledjinde bes jyl boıy stýdentterdiń stıpendııalary zańsyz jumsalǵany belgili boldy.