Kúzde týǵandar uzaq ómir súredi
ASTANA. 18 shilde. QazAqparat - Qyrkúıek pen qarasha aılary aralyǵynda týǵan sábılerdiń júz jasaý múmkindigi joǵary. Chıkago ýnıversıteti dárigerleriniń jýyrda jaryq kórgen zertteýiniń qorytyndysy osyndaı.
Ǵalym Leonıd jáne Natalııa Gavrılovtar 1880-1895 jyldary AQSh-ta týylǵan 1500 adamnyń málimetterine taldaý jasaǵan. Bul adamdardyń bári - 100 jasaǵandar. Zertteýdiń nátıjesinde olardyń deniniń kúzde týylǵany belgili boldy. Sonymen birge, az ǵana toptyń naýryz, mamyr, shilde aılarynda týǵany esepke alyndy. Gavrılovtardyń aıtýynsha, kóktemgi ınfektsııalar adam densaýlyǵyna keri áser etedi. Sol sebepti kóktemde dúnıege kelgen sábılerdiń júz jasaý yqtımaldyǵy óte tómen. Al uzaq jasaý úrdisi, negizinen, qyrkúıek pen qarasha aılary aralyǵynda týǵan adamdar arasynda baıqalyp otyr.
Alash aınasy
