Kúzde buǵy nege erekshe daýys shyǵarady
ASTANA. KAZINFORM — Kúz kelgende orman tynyshtyǵyn buǵylardyń erekshe daýysy buzady. Alystan estiletin bul ún — jaı ǵana tabıǵı dybys emes, atalyqtardyń kúıek kezeńine kirgenin bildiretin belgi.
Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń jazýynsha, kúzde atalyq buǵylardyń minez-qulqy ózgeredi. Olar erekshe dybys shyǵaryp, analyqtardy shaqyrady. Sonymen qatar bul daýys arqyly basqa atalyqtarǵa óziniń bar ekenin bildiredi.
Buǵy ne úshin daýys shyǵarady?
- Analyqtardy shaqyrady. Daýys arqyly atalyq óziniń bar ekenin bildiredi.
- Qarsylasyna belgi beredi. Ózge atalyqtarǵa óziniń aýmaqta ekenin jáne kúıekke túsip jatqanyn kórsetedi.
- Báseke kúsheıedi. Kúıek kezinde atalyqtar arasynda analyqtar úshin básekelestik arta túsedi.
Osy kezeńde buǵynyń daýysy orman ishinde alystan estilýi múmkin. Bul — kúzgi tabıǵatqa tán erekshe qubylystardyń biri.
Eske salaıyq, buǵan deıin «Altyn-Emelden» Іle-Balqash rezervatyna 30 qulan kóshirilgenin jazǵanbyz.
