Kúzde Qyrǵyzstanda koronavırýstyń qatty mýtatsııalanǵan shtamy kútiledi

BІShKEK. KABAR-QazAqparat – Bıylǵy kúzde Qyrǵyzstanda COVID-19 koronavırýs ınfektsııasynyń qatty mýtatsııalanǵan shtamy paıda bolatyny kútiledi. Bul týraly Parlament otyrysynda Qyrǵyzstannyń Densaýlyq saqtaý jáne áleýmettik damý mınıstri Alymqadyr Beıshenalıev málim etti, dep habarlaıdy QazAqparat Kabar agenttigine silteme jasap.

Onyń aıtýynsha, epıdemııalogııalyq ahýaldyń nasharlaý yqtımaldylyǵyna baılanysty qazir tósek oryndar men medıtsına qyzmetkerlerin daıyndaý júrgizilýde.

«Elde qazirgi kezde koronavırýs ınfektsııasynyń mýtatsııalanǵan 5 shtamy bar. Degenmen olar asa aýyr jaǵdaı týǵyzyp jatqan joq. Sonymen qatar bizdiń dárigerler men ǵalymdar bul indet ahýalyn baqylaýda, túrli konferentsııalar ótkizýde», - dedi ol.