Kúzde keminde 13 mln tonna astyq alamyz – mınıstrdiń boljamy

ASTANA. KAZINFORM – Aýyl sharýashylyǵy mınıstri Aıdarbek Saparov bıylǵy egis maýsymynda qansha ónim alýdy josparlanǵanyn aıtty.

«Tabıǵat, klımattyq jaǵdaılar ázirshe qalypty normadan alshaq emes. Ylǵal bar, bizdiń mindet sony der kezinde jaýyp, tuqym seýip úlgerý bolyp tur. Maýsymnyń basqa merzimderi de osyǵan baılanysty. Tuqymnyń bárin ýaǵynde seýip úlgersek, ónimdilik soǵan sáıkes bolady. Egin shyǵymyn keminde 13-14 mln tonna dep boljap otyrmyz», - dedi ol Úkmiet otyrysynan keıin BAQ ókilderiniń saýalyna bergen jaýabynda.

Búgingi Úkimet otyrysynda Aıdarbek Saparov bıyl elde qant qyzylshasyntsń alqaby keńeıetinin aıtqan edi.

«Oblystar ákimdikteriniń jedel derekteri boıynsha maıly daqyldar alańyn 385,7 myń gektarǵa ulǵaıtý josparlanǵan. Bul jalpy egis alańyn 3,2 mln gektarǵa deıin jetkizýge múmkindik beredi. Onyń ishinde kúnbaǵys sııaqty áleýmettik mańyzy bar daqyl alańyn 60 myń gektarǵa ulǵaıtý jáne olardy 1,2 mln gektarǵa deıin jetkizý kútiledi. Budan basqa, qant qyzylshasy sııaqty áleýmettik mańyzy bar daqyl alańyn 12 myń gektarǵa ulǵaıtý kózdelgen. Bıyl qant qyzylshasynyń aýdany 25 myń gektardy quraıdy. Sonymen qatar óńirlerde berik azyqtyq bazany qurý boıynsha jumystar júrgizilýde, bul úshin aǵymdaǵy jyly azyqtyq daqyldar alańyn 68,3 myń gektarǵa ulǵaıtyp, olardy 3,2 mln ga deıin jetkizý josparlanǵan», - dedi Aıdarbek Saparov.