Kúzde Qazaqstanda harassment týraly zań jobasy qaralady
ASTANA. KAZINFORM – Harassment týraly zań jobasy osy kúzde Parlament qaraýyna engiziledi. Bul týraly Eńbek jáne halyqty áleýmettik qorǵaý mınıstri Asqarbek Ertaev Úkimette ótken brıfıngide aıtty.
– Bul túzetý Halyqaralyq eńbek uıymy usynymdary aıasynda bastama etip kóterildi. Ózim birinshi vıtse-mınıstr bolyp júrgenimde halyqaralyq uıym birqatar elderge, sonyń ishinde Qazaqstanǵa da harassment uǵymyn zańnamalyq deńgeıde bekitý jóninde usynym bergen edi, – dedi Eńbek mınıstri tilshi suraǵyna bergen jaýabynda.
Eńbek mınıstrligi ázirlegen zań jobasynda osyǵan qatysty túzetýler engizildi. Onda harassmentke qatysty uǵym qarastyryldy. Ekinshiden, mundaı faktiler anyqtalǵan jaǵdaıda jumys berýshiniń jaýapkershiligi belgilengen.
Qazirgi ýaqytta bul túzetýlerdi «Atameken» ulttyq kásipkerler palatasy men «Paryz» jumys berýshiler konfederatsııasy qyzý talqylap jatyr.
– Meniń oıymsha, túpkilikti sheshim Parlamentte qabyldanady. Zań jobasynyń ózin bıylǵy kúzde Parlament (Quryltaı) qaraýyna engizýdi josparlap otyrmyz, – dedi Asqarbek Ertaev.
Aıta keteıik, ınvestorlarǵa júrgiziletin tekserýler 6% qysqardy.
