Kúzde fermerlerge arnalǵan dızel otyny qymbattamaq

NUR-SULTAN. QazAqparat –QR Energetıka mınıstri Bolat Aqsholaqov kúzde aýyl sharýashylyǵy taýaryn óndirýshilerge arnalǵan dızel otyny baǵasyn kóterý josparlanǵanyn aıtty, dep habarlaıdy QazAqparat tilshisi.

«Aýyl sharýashylyǵy taýarlaryn óndirýshiler úshin dızel otyny esh ýaqytta tapshy bolǵan emes. Men uzaq jyldan beri osy salada jumys istep kelemin. Ár ýaqytta da eń birinshi kezekte kóktemgi jáne kúzgi jumystarǵa dızel otynyń belgili kólemin bólip otyrdyq. Munyń ústine resýrs ustaýshylarmen kelissóz júrgizý arqyly onyń qunyn tómen baǵamen beremiz. Sebebi elimizde dızel otynyna memlekettik sýbsıdııa joq. Bıyl 1 tonnasy 212 myń teńgeden boldy. Kúzgi kezeńde tonnasyn 222 myń teńgeden belgilegimiz keledi», - dedi mınıstr Ortalyq kommýnıkatsııalar qyzmetindegi baspasóz máslıhatynda.