Kúzde elimizde birinshi synyptarǵa 340 myńnan astam bala barady - Sholpan Karınova
«Birinshi synypqa balalardyń qujattaryn qabyldaý 1 sáýirden bastalady. Mektepke alty jasar balalar men aǵymdaǵy kúntizbelik jyly 6 jasqa tolatyn balalar qabyldanady.
Aıta ketý kerek, balanyń jasy 1 qyrkúıek aıy jaǵdaıyna tolyq 6 jasqa tolǵan bolsa, barlyq bala qabyldanady. Al jasy tolyq 6-ǵa tolmaǵan balalardyń (olardyń jasy ústimizdegi jyly 1 qyrkúıekten keıin tolatyn bolsa) tek ata-analary nemese basqa zańdy tulǵalary qalaǵan jaǵdaıda mektepke barý múmkindigi bar», dep jazdy Sholpan Karınova Facebook -tegi paraqshasynda.
Aıta keterligi, mektepke qujattar «elektrondy úkimet» veb-portaly arqyly elektrondy nysanda jiberiledi.
Onyń aıtýynsha, erejege sáıkes 1-synypqa qabyldaý kezinde aldymen qyzmet kórsetý aýmaǵynan ótinish (tirkelý orny boıynsha) bildirgen úsh úmitker, sodan keıin basqa aýmaqtan bir úmitker qabyldanady.
«Bilim berý uıymy mindetti kórsetilgen tizbeden tys qujattardy tapsyrýdy ótinish berýshiden (Bilim jáne ǵylym mınıstriniń 2018 jylǵy 12 qazandaǵy № 564 buıryǵy) talap etýge quqyǵy joq.
Ata-analar elektrondy formatta ótinish, týý týraly kýálik kóshirmesin, balanyń densaýlyǵy pasporty, densaýlyq jaǵdaıy týraly № 063/ý nysanyndaǵy anyqtama jáne 2 fotosýret tapsyrady. Gımnazııa, lıtseılerden basqa mektepterdiń barlyǵy balalardy mektepke esh túsý emtıhanysyz qabyldaıdy. 2021-2022 oqý jylynda respýblıka boıynsha birinshi synyp oqýshylarynyń boljamdy kontıngenti 340 myńnan asady dep kútilýde», - dedi Sholpan Karınova.
