Kúzde balyq aýlaǵanda qandaı qaýipsizdik erejelerin saqtaý kerek

Shyǵys Qazaqstan oblysynyń qutqarýshylary kúzgi balyq aýlaýdyń qaýpi jaıly eskertti, dep habarlaıdy Kazinform. 

ShQO Tótenshe jaǵdaılar departamenti bastyǵynyń orynbasary Arman Toqanovtyń aıtýynsha, kúzde sý salqyndap, aýa raıynyń tym qubylmaly bolýy balyqshylarǵa qaýip tóndiredi.

«Іshimdik ishý, balyqshynyń júze almaýy, qaıyqta jalǵyz ózi bolýy, qarańǵyda balyq aýlaýǵa shyǵýy, qatty jel soǵýy sııaqty faktorlar asa qaterli. Sonymen qatar sýdaǵy qaıǵyly jaǵdaılar qarapaıym qaýipsizdik sharalaryn bilmeýden, nemquraılyq saldarynan bolyp jatady. 2023 jyldyń basynan beri óńir boıynsha osyndaı 2 jaǵdaı tirkelgen», - deıdi ol.

Qutqarýshylar qaýipsizdikti qamtamasyz etý maqsatynda 50-den astam profılaktıkalyq reıd júrgizgen. Onda 400-ge jýyq balyqshy qamtyldy. Olarǵa sý aıdyndarynda júris-turys erejeleri túsindirildi.

«Onyń ishinde mamandandyrylǵan balyq aýlaý dúkenderinde 7 jıyn uıymdastyryldy. Balyqshylarǵa jeldi aýa raıynda jáne qarańǵyda sý qoımasyna barýdan aýlaq bolý kerektigi eskertildi. Árqashan qutqarý keýdeshesin kıińiz, qaıyqty shamadan tys júktemeńiz, jaramdy júzý quralyn paıdalanyńyz», - deıdi Arman Toqanov.