Kúzde Astanada Qazaqstan jáne Majarstan strategııalyq keńesiniń otyrysy ótedi
ASTANA. QazAqparat - Kúzde Astanada Qazaqstan jáne Majarstan strategııalyq keńesiniń otyrysy uıymdastyrylady. Bul týraly Astanada ótken baspasóz máslıhatynda Qazaqstan Respýblıkasynyń Vengrııadaǵy, Makedonııadaǵy jáne Serbııadaǵy Tótenshe jáne Ókiletti Elshisi mindetin qosa atqarýshy Nurbah Rústemov málim etti.
Aıta keteıik, 2014 jyldyń maýsymynda QR Premer-Mınıstri Kárim Másimovtyń Majarstanǵa sapary barysynda strategııalyq seriktestik týraly birlesken deklaratsııaǵa qol qoıyldy. Al 2015 jyldyń sáýirinde Majarstan Premer-Mınıstri Vıktor Orbannyń Qazaqstanǵa resmı sapary aıasynda qazaqstandyq-majarlyq strategııalyq keńes quryldy.
«Bizde rettelmegen problemalar joq. Jalpy, qatynystarymyzda eshqandaı da problemalar baıqalmaıdy. Kóptegen halyqaralyq máseleler boıynsha bizdiń ustanymdar sáıkes kelip otyr jáne halyqaralyq arenada biz bir-birimizdiń bastamalarymyzdy qoldaımyz», - dep toqtaldy N. Rústemov.
Atap aıtqanda, eki eldiń arasynda dıplomatııalyq qatynastar 1992 jyldyń 23 naýryzynda ortatyldy. 1993 jyldyń naýryzynda bul eldiń elshiligi Qazaqstanda, al 1993 qyrkúıeginde Qazaqstannyń elshiligi Majarstanda ashyldy.
