Kúzde áskerge shaqyrylǵan jas sarbazdar erteń Áskerı ant qabyldaıdy
QR Qorǵanys mınıstrliginiń málimetinshe, «Kúz-2012» áskerge shaqyrý naýqany jalǵasyp keledi. Áskerı borysh pen Antqa adaldyq - Qarýly Kúshterdiń tamasha dástúri. Bul kúnge áskerge alynǵan bozbalalar tyńǵylyqty ázirlendi. Sarbazdar jas jaýyngerler kýrsynan ótip, Qazaqstan Qarýly Kúshteriniń tarıhymen, áskerı istiń negizderimen tanysyp, sap daıyndyǵymen aınalysty.
Jas jaýynger saltanatty túrde ant qabyldaǵan sátten bastap tolyqqandy Otan qorǵaýshysy atanady. Qazaqstan Respýblıkasynyń Memlekettik týy aldynda, áriptesteriniń ortasynda qolyna qarý ustap ant qabyldaǵan olardyń boıynda patrıotızmniń rýhy oıanyp, Otanǵa degen súıispenshilik sezimi qalyptasa túsetini anyq.
Barlyǵy 5 myńnan astam, jańa shaqyrylǵan sarbazdarǵa Tuńǵysh Prezıdent kúni Áskerı ant qabyldaýǵa erekshe múmkindik týyp tur. Búkil óńirlik qolbasshylyqtar, sondaı-aq, ásker túrleri men tekteri, bólimsheleri men jasaqtary Áskerı ant qabyldaý saltanatyna daıyn.
Elordamyz Astanada, Akmol aýylynda, Áýe Qorǵanys Kúshteriniń áskerı bólimderinde mereıtoıǵa qarsy qonaqtardy kútý jumystary tyńǵylyqty júrgizildi. Sondaı-aq, desanttyq-shabýyldaýshylar brıgadasy bazasynda saltanatty sapta turý rásimi ótedi. Qarýly Kúshter qyzmetshilerine merekelik buıryq oqylyp, áskerı qyzmette erekshe kózge túsken jaýyngerlerge syıaqy beriledi. Mereıtoı QR QM Ortalyq ansambliniń kontsertimen aıaqtalady.
Qaraǵandyda, Áýe Qorǵanys Kúshteriniń avıatsııalyq bazasynda Tuńǵysh Prezıdent kúnine oraı saltanatty mıtıng ótedi. Saltanatty sharaǵa jergilikti ákimdik pen «Nur Otan» HDP ókilderi, Uly Otan soǵysynyń, Qarýly Kúshterdiń ardagerleri jáne jaýyngerlerdiń ata-analary men dostary qatysady. Sonymen qatar, áýe baza qonaqtaryna Avıatsııa tehnıkasynyń kórsetilimi bolady.
Almatyda Áskerı ant qabyldaý rásimi Tuńǵysh Prezıdent saıabaǵynda ótedi. Áskerı antty Aeroutqyr áskerlerinen 170 desantshy jáne Qapshaǵaı garnızony áskerı bóliminiń sarbazdary qabyldamaq.
Aqtaýda («Batys» óńirlik qolbasshylyǵy) 500 jas jaýynger Áskerı ant qabyldaıdy.
Semeıde («Shyǵys» óńirlik qolbasshylyǵy) júzden astam áskerı qyzmetshi qalanyń Ortalyq alańynda Otanǵa adal bolýǵa ant beredi.
Barlyq is-sharalar jergilikti ýaqyt boıynsha saǵat 10.00-de bastalady.
