Kúzde ásker qataryna qansha azamat shaqyrylady

NUR-SULTAN. QazAqparat – Bıyl kúzgi merzimdi áskerı qyzmetke 18 myńnan astam azamatty shaqyrý josparlanǵan. Bul týraly Qorǵanys mınıstrligi online-brıfınginde QR QK BSh Uıymdastyrý-jumyldyrý jumystary departamentiniń ókili Rýslan Tapashev aıtty, dep habarlaıdy QazAqparat tilshisi.

«Bıyl ásker qataryna 18 myńnan astam jas azamattarymyzdy shaqyrý josparlanyp otyr. Onyń ishinde ózimizdiń Qarýly kúshterge shamamen 8 myń azamatty shaqyramyz. Basqa da áskerı qurylymdarǵa 10 myńnan astam azamatty merzimdi qyzmetke shaqyrý qarastyrylǵan. Al jalpy 760 myńnan astam azamat bizde áskerı esepte tur», - dedi Rýslan Tapashev.

Sonymen qatar, Rýslan Tapashev áskerge shaqyrýshylardy medıtsınalyq tekseristen ótkizý kezinde jıi anyqtalatyn dertterge toqtaldy. Onyń dereginshe, azamattardyń merzimdi áskerı mindetin oryndaý kóbine ishki aǵza, nevrologııalyq jáne hırýrgııalyq syrqattarǵa baılanysty keıinge shegeriledi.