Kúzde Almatyda 250 myń aǵash otyrǵyzylady
ALMATY. QazAqparat – Kúzde Almatyda 250 myń jasyl jelek otyrǵyzylady, dep habarlaıdy QazAqparat tilshisi.
«Biz kóktemde 8 myńǵa jýyq aǵash pen 110 myń gúlzar otyrǵyzdyq. Kúzde 250 myń jasyl jelek otyrǵyzýdy josparlap otyrmyz, onyń 218 myńy - japyraqty aǵashtar, 4 myńy - qylqan japyraqty aǵashtar», - dedi Almaty qalasy ákiminiń birinshi orynbasary Erlan Qojaǵapanov Almatydaǵy ekologııalyq jaǵdaıdy talqylaý barysynda.
Óz kezeginde, Ekologııalyq retteý jáne baqylaý komıtetiniń tóraǵasy Zulfyhar Joldasov búgingi tańde Almatyda 2,2 mıllıonǵa jýyq jasyl jelek bar ekenin atap ótti.
Qazirgi tańda, Almatyda jasyl jelek alańdarynyń aýdany - 1 427 gektar. Bul kórsetkishti 2 myń gektarǵa jetkizý qajet. Al aǵashtardyń sanyn 3 mıllıonǵa deıin kóbeıti josparlanǵan.
