Kúzde Almaty men Nur-Sultannan Vetnam kýrortyna áýe reısteri ashylady
Qazaqstannyń Syrtqy ister mınıstriniń bul elge sapary eki memleket arasynda dıplomatııalyq qatynastar ornaǵannan beri 30 jyl ishinde alǵash ret bolyp otyr. Hanoıǵa sapardyń resmı bóligi Ho Shı Mın kesenesine gúl shoqtaryn qoıý rásiminen bastaldy.
Sapardyń maqsaty – sońǵy onjyldyqtar ishinde álemdegi eń joǵary ekonomıkalyq damý qarqynymen erekshelenetin dástúrli dostas elmen seriktestik qatynastardy odan ári damytý.
M. Tileýberdi VSR Syrtqy ister mınıstri Býı Than Shonmen kelissózder ótkizip, onyń barysynda taraptar saıası, saýda-ekonomıkalyq, ınvestıtsııalyq jáne mádenı yntymaqtastyq máseleleriniń keń aýqymyn talqylady. Eki eldiń kópjosparly yntymaqtastyǵyna jańa serpin berýge, perspektıvada birtindep artyqshylyqty ekonomıkalyq áriptestik deńgeıine shyǵýǵa nıet bildirdi. Vetnam qazan aıynda Nur-Sultan qalasynda ótetin AÓSShK sammıtine joǵary deńgeıde qatysatynyn rastady.
Vetnam Prezıdenti Ngýen Sýan Fýkpen kezdesýde SІM basshysy Vetnamda júrgizilip jatqan reformalardyń qarqyny men sapasyn joǵary baǵalap, Qazaqstandy jańǵyrtýdyń jańa kezeńiniń mazmunymen tanystyrdy.
Eki el arasyndaǵy saıası yntymaqtastyqtyń damý dınamıkasyn eskere otyryp, M. Tileýberdi joǵary deńgeıdegi ekijaqty baılanystardyń jandanýyn jaqtady. Suhbat barysynda Ngýen Sýan Fýk Prezıdent Qasym-Jomart Toqaevtyń Vetnamǵa aldaǵy resmı saparyn mazmundy tolyqtyrý jóninde tapsyrma berdi.
Vetnam Premer-Mınıstri Fam Bın Tınmen kezdesý ekijaqty qarym-qatynastardyń ekonomıkalyq kún tártibine arnaldy. Taraptar ózara saýda men ınvestıtsııalardyń ósýine, ekonomıkanyń túrli sektorlarynda kooperatsııany damytýǵa baǵyttalǵan maqsatty kúsh-jigerdiń qajettigin atap ótti.
Sondaı-aq, M. Tileýberdi ónerkásip jáne saýda mınıstri Ngýen Hong Dıenmen kelissózder júrgizdi, onda qyrkúıekte Hanoı qalasynda ótetin aldaǵy úkimetaralyq komıssııa otyrysynyń taqyryby talqylandy.
Qazaqstan delegatsııasynyń quramynda bolǵan «Astana» halyqaralyq qarjy ortalyǵynyń basqarýshysy Qaırat Kelimbetov Vetnamnyń Qarjy mınıstrliginiń, Vetnamnyń damý bankiniń, sondaı-aq POCO kompanııasynyń basshylyǵymen kezdesýler ótkizip, olardyń barysynda qarjy jáne ınvestıtsııalar salasyndaǵy yntymaqtastyqtyń perspektıvalyq baǵyttaryn talqylady.
Sapar aıasynda M. Tileýberdi Qazaqstanmen ınvestıtsııalyq yntymaqtastyq múmkindikterin zertteıtin vetnamdyq kompanııalardyń basshylarymen birqatar kezdesýler ótkizdi.
«Crystal Bay» kompanııasy dırektorlar keńesiniń tóraǵasy Ngýen Dyk Chımen áńgime barysynda týrıstik saladaǵy yntymaqtastyq máseleleri talqylandy. «Duc Giant Chemicals Group» korporatsııasynyń basshysy Dao Hyı Hýen hımııa ónerkásibindegi yntymaqtastyq múmkindikterine qyzyǵýshylyq tanytty.
«Thai Binh Seed» Vetnamdaǵy kúrish ósirý salasyndaǵy jetekshi ınstıtýttyń bas dırektory Chan Man Bao Vetnamda ósiriletin, az mólsherde sýarýdy qajet etetin kúrishtiń jańa sorttarynyń tıimdiligi týraly aıtty.
«Vietjet» áýe kompanııasynyń vıtse-prezıdenti Ngýen Than Hýngpen Qazaqstan men Vetnam arasyndaǵy tikeleı áýe qatynasyn ashý máseleleri talqylandy. Aǵymdaǵy jyldyń qazan aıynan bastap Almaty - Nıachang jáne Nur-Sultan - Nıachang baǵyttary boıynsha reıster iske qosylady.
Foto: QR Syrtqy ister mınıstrliginiń baspasóz qyzmeti
