Kúzde Aqsý qant zaýytyn iske qosý josparlanýda
TALDYQORǴAN. QazAqparat - Almaty oblysynda 2006 jyldan beri jumysyn toqtatqan zaýyt iske qosylady.
Qazir Aqsý qant zaýytyn qaıta qalpyna keltirip, jumysyn jandandyrýǵa ınvestorlar izdestirilip jatyr, dep habarlaıdy QazAqparat tilshisi.
«Jetisý» áleýmettik kásipkerlik korporatsııasynyń ókili Rınat Samenniń málimentinshe, ázirge bir ınvestor zaýytty qalpyna keltirip, jumysty jandandyrýǵa qyzyǵýshylyq tanytyp otyr. Eger is nátıjeli júzege assa qańyrap qalǵan kásiporyndy kúz aıynda iske qosý josparlanýda.
Aıta ketelik, Aqsý qant zaýyty buǵan deıin jekeniń qolynda boldy. Bankte kepildikte turǵan nysandy «Jetisý» áleýmettik kásipkerlik korporatsııasy satyp aldy. Endigi mindet - ony iske qosý. Elbasynyń tikeleı tapsyrmasyna sáıkes, Almaty oblysynda qant qyzylshasyn qaıta ósirý myqtap qolǵa alyndy. Tátti túbirdiń alqap kólemin 9 myń gektarǵa deıin jetkizý kózdelýde. 300 myń tonnadan astam qant qyzylshasyn jınap, 30 myń tonna taza ónim alý josparlanýda. Osylaısha, ımportqa táýeldilikti azaıtý kózdelgen. Qazirgi tańda Almaty oblysynda qant qyzylshasyn qabyldaıtyn jalǵyz «Kóksý qant zaýyty» ǵana istep tur.
