Kúzde 900-ge jýyq qyzylordalyq áskerge attanady
QYZYLORDA. KAZINFORM –Bıylǵy kúzgi merzimdi áskerı shaqyrý naýqany barysynda Qyzylorda oblysynan 900-ge jýyq azamat merzimdi áskerı qyzmetke jiberiledi.
Oblystyq qorǵanys isteri jónindegi departament málimdegendeı, áskerı qyzmetke shaqyrylǵandar Qazaqstan Respýblıkasynyń Qarýly kúshterimen qatar Ulttyq ulan, UQK Shekara qyzmeti jáne QR Memlekettik kúzeti sııaqty qurylymdarǵa bólinedi.
- Shekara qyzmetine 120-ǵa jýyq, Ulttyq ulanǵa 280-ge jýyq, Memlekettik kúzet qyzmetine 14, Qarýly kúshterge 400-ge jýyq, Tótenshe jaǵdaılar departamentine 25 shaqty azamat joldanady. Azamattardy áskerı bólimderge bólý olardyń densaýlyq jaǵdaıyna, moraldyq-psıhologııalyq jáne dene daıyndyǵyna, bilimi men áskerı-eseptik mamandyǵyna sáıkes júrgiziledi, - delingen habarlamada.
Ótken jyly óńirden merzimdi áskerı qyzmetke 1506 azamat jóneltildi.
Eske salaıyq, 2026 jylǵy kúzgi áskerge shaqyrý naýqany aıasynda Aqmola oblysynan myńǵa jýyq azamat merzimdi áskerı qyzmetke jiberiledi.
