Kýzbasstaǵy sot ǵımaratynda atys boldy
NUR-SULTAN. QazAqparat - Kýzbasstaǵy sot ǵımaratynda atys bolyp, sot prıstavy mert boldy, áıel adam jaralandy, dep habarlaıdy QazAqparat TASS agenttigine silteme jasap.
«Er adam jedel járdem kóliginde qaza tapty, onyń ishi jaralanǵan, aýyr zaqymdaný shogyn alǵandyqtan jaǵdaıy nashar bolatyn»,- dep málimdedi baspasóz qyzmetindegiler.
Jaralanǵan áıeldiń jaǵdaıy aýyr.
«Áıelge ota jasap jatyr, dárigerler kúresýde, biraq ota kúrdeli bolady»,- dedi agenttik ókili.
Onyń aıtýynsha, ota birneshe saǵatqa sozylady. Áıeldiń betine oq tıgen, sonymen qatar ol aıaǵynyń tómengi jaǵynan jaraqat alǵan.
Aımaqtyń quqyq qorǵaý organdary derekkózderiniń biri atysty sottalýshylarynyń biri jasaýy múmkin dedi.
«Aldyn ala boljam boıynsha, oq atqan adam – sottalýshy, sot otyrysy kezinde oǵan áldene unamaǵan, ol syrtqa shyǵyp, kóliginen qarý alyp, qaıtyp kelip ony toqtatpaq bolǵan prıstavqa oq atty. Sot zalyna kelip taǵy bir adamǵa oq jaýdyrdy, boljam boıynsha, ol – kýáger», - dedi agenttik ókili.
Oq atqan adam 1975 jyly dúnıege kelgen, ol ustaldy.
Novokýznetsktegi Entýzıastar kóshesindegi ǵımaratta bolǵan atys týraly habarlama jedel járdem qyzmetine beısenbi kúni 9:20-da túsken.
