Kýzbass qalasynda túngi ýaqytta mototsıklmen júrýge tyıym salynbaq
ASTANA. QazAqparat - Kemerovo oblysynyń gýbernatory Aman Tóleev Kýzbastyń iri qalalaryn «mototsıklderdiń dybysynan» aryltýǵa nıetti.
Óńir ákimshiliginiń baspasóz qyzmetinde atap ótkendeı, Qýzbass qalalarynyń, ásirese Kemerovo men Novokýznetskiniń turǵyndary túngi ýaqytta júretin mototsıklderdiń shýyna jıi shaǵymdanady. Sondyqtan Tóleev oblystyq parlament spıkeri men óńir polıtsııasynyń basshysyna shaǵymdar kóp túsken ýchaskelerde túngi ýaqytta mototsıklderdiń qozǵalysyn shekteý múmkindigin qarastyrýdy usyndy, dep jazdy rosbalt.ru.
«Zańnamalyq bastama azamattardyń tynyshtyqqa degen quqyǵyn qorǵaýy, ásirese túngi ýaqytta jáne dybystyq-jyldamdyq rejımin buzatyn júrgizýshilerden qorǵaýy tıis», - dedi gýbernator.
