Kúızeliske túsý allergııaǵa shaldyqtyrady - ǵalymdar
ASTANA. QazAqparat - Ǵalymdardyń zertteýleri kúızelis pen teri problemalarynyń arasynda tyǵyz baılanys bar ekenin kórsetti.
Jańa zertteýdi Templ ýnıversıtetiniń mamandary ótkizdi. Olar 5000 stýdentti suraýǵa qatysýǵa shaqyrdy. Eriktiler kúızelis pen teriniń jaǵdaıy týraly suraqtarǵa jaýap bergen.
Nátıjesinde ǵalymdar 422 stýdenttiń málimetterin taldap shyqty. Qatysýshylardy úsh topqa (kúızelistiń tómen, birqalypty jáne joǵary deńgeıleri) bóldi. Zertteýshiler kúızelistiń joǵary deńgeıi bolǵan eriktiler teri qyshymasyna, alopetsııa (shashtyń túsýi), bas terisindegi daqtar, gıpergıdroz (qatty terleý), qaıyzǵaq, qoldaǵy qyshyma bórtpege, sondaı-aq tyrnaqty kemirgenine jáne trıhotıllomanııaǵa (óz shashyn julý) shaldyqqanyna shaǵymdanǵan, dep jazady sheteldik BAQ.
