Kúızeliske eń kóp ushyratatyn kásipter

Olarǵa adamdardyń óz densaýlyqtaryn qurtyp, ózderine kóp mindetter alýyna týra keletin jáne ózderi túk sheshpeıtin kásip túrleri jatqyzylady, dep jazady The Telegraph. Osylaısha, jumysy kóp jáne az tólenetin kásip túrleri (mysaly, daıashylar) adamdardyń júrek aýrýlaryna (ıshemııalyq ınsýlt alý múmkindigi 58 paıyzǵa deıin artyp otyr) shaldyǵý qaýpin arttyrady.

Al kúızeliske az ushyraıtyn ǵalymdar men sáýletshiler úshin júrek aýrýlaryna shaldyǵýdyń qaýpi úlken emes. Aıta keteıik, aýysym kestesimen isteletin jumys obyrdyń damýy men jalpy alǵanda densaýlyqtyń buzylýyna ákelip soqtyrýy ábden múmkin. Sondaı-aq «qara tizimdegi» kásipterdiń qyzmetkerleri densaýlyqtaryna durys qaramaı, temeki shegip, nashar tamaqtanady, jattyqpaıdy dep oılaýǵa negiz bar.

Reıtıngti qurǵanda jalpy alǵanda 138782 adamnyń málimetteri esepke alynǵan (kúızelis deńgeıi, olardyń densaýlyq jaǵdaıy, jumys sapasy tirkelgen). Adamdardy 3 jyldan 17 jylǵa deıin baqylaǵan. Jalpy alǵanda kúızelistiń joǵary deńgeıi bar jumys qyzmet kórsetý salasynda (daıashylar, kútýshiler) bolǵan. Sondaı-aq ondaı jumys er adamdar arasynda ınsýlt qaýpin 4,4 paıyzǵa, al áıelder arasynda 6,5 paıyzǵa ósirgen.