Kúızelis tuqym qýalaıdy
ASTANA. QazAqparat - Shveıtsvarııa men Ulybrıtanııa ǵalymdary kúızelistiń tyshqandardyń zat almasý protsesine áserin zerttep, onyń tuqym qýalaıtynyn zerttedi, dep habarlady ITAR-TASS.
Ǵalymdardyń jumysy Nature Neuroscience basylymynda jarııalandy jáne onymen medicalxpress.com saıtynda tanysýǵa bolady.
Zertteýshiler jaraqat alǵan eresek tyshqandardyń mıkroRNK protsesterin deni saý maqulyqtardyń jasýshalarymen salystyrdy. Onyń nátıjesinde kúızelistiń qandaǵy, mı men uryqtaǵy mıkroRNK toptaryna áserin zerttep, olar baqylaýǵa alǵan tyshqandarda bul protsestter ózgeristerge ushyraıtynyn anyqtady.
Budan keıin ǵalymdar tyshqandardyń kelesi eki urpaǵyn tekserip, olarǵa kúızelis jaǵdaılary enelerinen keıingi urpaqtaryna beriletini belgili boldy. Keıingi urpaq mundaı kúızeliske ushyramasa da ata-tekten beriletin kúızelistik belgileri saqtalatyny anyqtaldy. Bul urpaqtarda metabolızm buzylyp, ınsýlın deńgeıi jáne qandaǵy qant mólsheri deni saý jándikterge qaraǵanda az bolyp shyqty. Tyshqandardyń úshinshi urpaǵynda da osyndaı kúızelistik kóńil kúıdiń salqyny baıqalǵan.
MıkroRNK - -qysqa RNK, onda 22 nýkleotıdter bar, olar amın qyshqyldarynan aqýyzdy sıntezdeýdi retteýge qatysady. Ǵalymdar jas kezinde alǵan jaraqattar tyshqandar eseıgende olardyń zat almasý protsesterine áser etip, tuqym qýalaı otyryp, úshinshi urpaqqa deıin beriletinin dáleldedi.
