Quıynnyń kesirinen úsh adam joǵalyp ketti
ASTANA. 29 qarasha. QazAqparat - Italııanyń ońtústiginde alapat quıyn soǵyp, 20-dan astam adam zardap shekti. 3 adam iz-tússiz joǵalyp ketken.
Teńizden kóterilgen kúshti daýyl Taranto qalasyndaǵy «Ilva» zaýytyn qıratty. Qatty jel kemejaıda turǵan krandy qulatty. Habar-osharsyz ketken adamdardy izdeýge ondaǵan qutqarýshy jumyldyryldy. Kúni keshe alapat tsıklon saldarynan Toskana aımaǵynyń Florentsııa qalasyn sý basty. Al taýly aımaqtarda tópelep jaýǵan nóser laı kóshkinge ulasty, dep habarlaıdy BAQ.kz.
