Quıyndy jel Atyraýdaǵy lagerdiń shatyryn ushyrdy, 150 bala evakýatsııalandy
ATYRAÝ. QazAqparat - Atyraý oblysynda quıyndy jel saýyqtyrý lageriniń shatyryn julyp áketti. 150 bala qaýipsiz jerge kóshirildi, dep habarlaıdy QazAqparat tilshisi.
Tótenshe oqıǵa balalarǵa arnalǵan «Tulpar» saýyqtyrý lageri ornalasqan qala mańyndaǵy Besikti aýylynda boldy.
«Nóserli jaýynmen birge kelgen daýyldy jel úsh korpýstyń shatyryn kókke ushyrdy. Bul ýaqytta balalar ǵımarattyń ishinde bolǵan. Zardap shekkender joq. Barlyq 150 balany QR Іshki ister mınıstrligi Tótenshe jaǵdaılar komıteti «Batys óńirlik aeromobıldik shuǵyl-qutqarý jasaǵynyń» qyzmetkerleri qaýipsiz jerlerge evakýatsııalady», - dep málim etti óńirdiń Tótenshe jaǵdaılar departamentinen.
