Kúıshi Yrysbek Sydyqnábıuly dúnıeden ótti
ASTANA. QazAqparat - Belgili kúıshi Yrysbek Sydyqnábıuly 34 jasqa qaraǵan qyrshyn shaǵynda dúnıeden ótti, dep habarlaıdy kazaitys.kz.
Ásirese, Altaı, Tarbaǵataı kúıleriniń etnografııalyq bolmysyn buzbaı, shertetin sheber kúıshi Yrysbek qazaq kúıin qulaǵymen alǵan sanaýly kúıshilerdiń biri edi. Burynǵy shorsaýsaq shaldardyń kúı shertisin de salatyn.
Yrysbek 1982 jyly Qytaıdyń Shyńjań ólkesi Altaı qalasy Shemirshek aýylynda dúnıege kelgen. 2002 jyly Qazaqstanǵa oralǵan.
Sońynda jary, kishkentaı eki uly qaldy.
«Bilikti maman, kisilikti azamattyń jany jánnatta bolsyn dep duǵa qylamyz. Ata-anasy, otbasy, jaqyndarynyń qaıǵysyna ortaqtasyp, kóńil aıtamyz. Alla aldyńnan jarylqaǵaı!», delingen habarlamada.
