Kúıip qalǵan «ArselorMıttal Temirtaý» jumysshysy aýrýhanada kóz jumdy
QARAǴANDY. QazAqparat – «ArselorMıttal Temirtaý» zaýytynda boıaý quıylǵan bóshke jarylysynan zardap shekken 50 jastaǵy jumysshy aýrýhanada kóz jumdy. Oqıǵa saldarynan onyń denesiniń 90% kúıip qalǵan bolatyn, dep habarlaıdy QazAqparat tilshisi.
«Zardap shekken jumysshy aýrýhanaǵa óte aýyr kúıik jaǵdaıynda jáne denesiniń 90% termııalyq kúıik alǵan kúıinde tústi. Medıtsınalyq qyzmet kórsetýdiń barlyq keshenine qaramastan, naýqastyń jaǵdaıy nasharlap, 15 naýryzda qaıtys boldy», - dedi H. Maqajanov atyndaǵy kópsalaly aýrýhananyń travmatolog-ortoped dárigeri Manas Ámirov.
Sondaı-aq, densaýlyq saqtaý basqarmasy ekinshi zardap shegýshiniń jaǵdaıy ortasha aýyrl ekenin habarlady. Ol qajetti em aalyp jatyr.
Esterińizge sala keteıik, 11 naýryzda JEO-2 mehanıkalyq tsehynyń sheberhanasynda dánekerleý jumystaryn júrgizý kezinde JJM býy tutanyp, nátıjesinde gaz apparatýrasynyń slesary men jóndeýshisi kúıik aldy.
Qazirgi ýaqytta bul isti arnaıy komıssııa tergep jatyr.
