Kúıik shalǵan aǵaıyndylar oqıǵasy: polıtsııa qylmystyq is qozǵady
KÓKShETAÝ. QazAqparat - Aqmola oblysynyń polıtseıleri Bulandy aýdanynda ózin-ózi órtep jibermek bolǵan aǵaıyndylardyń oqıǵasyna qatysty «Ózin-ózi óltirýge ıtermeleý» boıynsha qylmystyq is qozǵady, dep habarlaıdy QazAqparat tilshisi ІІD baspasóz qyzmetine silteme jasap.
«Aqmola oblysynyń ІІD qyzmetkerleri aýrhanaǵa deneleri kúıip túsken Makınsk qalasynyń turǵyndary - 23 jáne 16 jastaǵy aǵaıyndylardyń oqıǵasyna qatysty tekseris júrgizýde. Anyqtalǵandaı 23 jastaǵy zardap shegýshiniń sýıtsıd jasaý kezinde denesi kúıgen. Al, ekinshisi (zardap shekkenniń inisi) oǵan kómek kórsetý kezinde kúıip qaldy», dep túsindirdi vedomstvodan.
Qazirgi kezde osy oqıǵa baılanysty QR QK 105 babynyń 1 bóligi boıynsha is qozǵalyp, sot aldy tergeý sharalary júrgizilýde.
Eske sala keteıik, osyǵan deıin habarlaǵanymyzdaı Aqmola oblysynda aǵaly-inili eki jigit denelerin kúıik shalyp aýrhanaǵa jatqyzylǵan bolatyn.
