Kúıeýine kómektespek bolyp, abaısyzda óltirip aldy
ASTANA. QazAqparat - Tomsk oblysynda kúıeýine kómektespek bolyp, abaısyzda óltirip alǵan áıelge qatysty sot isi qaraldy.
Er adam esinen tanyp qalǵanda áıeli onyń júregine massaj jasamaq bolady, alaıda qatty ýqalaýdyń áserinen ol jan tapsyrady.
«Kúıeýine kómektespek bolǵan áıel onyń júregin kem degende 20 ret qatty ýqalap, kókirek qýysy men ishin qatty basqan»,- dep málimdedi qalalyq sot zalynan. Sondaı-aq áıeldiń oqıǵa kezinde mas bolǵany da anyqtaldy.
Al er adam bolsa biraz ýaqyt ótkende ish qurylysynan qan ketip, kóp qan joǵaltý saldarynan kóz jumǵan,
Endi áıel abaısyzda kisi óltirgeni úshin 2 jyl kolonııada jazasyn óteıtin bolady, dep jazady sheteldik BAQ.
