Kúıeýin shynjyrmen baılap tastaǵan áıel onyń ajal qushýyna sebepker boldy
ASTANA. QazAqparat - RF Saıanogorsk qalasynda turatyn áıel kúıeýiniń araq ishpesi úshin shynjyrmen baılap tastaǵan. Saldarynan er adam ajal qushty, dep habarlaıdy óńirlik TK tergeý basqarmasynan.
Tergeýshilerdiń aıtýynsha, áıel jumysqa keter aldynda metall shynjyrdyń bir ushyn radıatorǵa baılap, ekinshi ushymen kúıeýin moınynan orap, qulyptap tastaıtyn bolǵan. Baıqustyń tipti ornynan qozǵalýǵa da shamasy kelmegen.
Bir kúni jumystan oralǵan áıel eriniń o dúnıege attanyp ketkeniniń ústinen shyqqan.
Onyń aıtýynsha, kúıeýi kóp ishken, esh jerde jumys istemegen. Keıde dostaryn aralap, aptalap joǵalyp ta ketken. Sondyqtan taǵy da araqqa salynyp ketpesi úshin osyndaı tirlikke barýǵa májbúr bolǵan kórinedi.
Áıeldiń ústinen qylmystyq is qozǵaldy.
