Kúıeýimen ursysqan áıel kópirden sekirmek boldy - Aqmola oblysy
KÓKShETAÝ. QazAqparat - Aqmola oblysynyń Esil aýdanynda áıel kópirden sekirmek boldy, dep habarlaıdy QazAqparat tilshisi ІІD baspasóz qyzmetine silteme jasap.
Oqıǵa 8 sáýir kúni Esil aýdanynda «Jaqsy - Esil - Buzylyq» tasjolynyń boıynda bolǵan.
Aýmaqty baqylap júrgen jergilikti polıtsııa qyzmetiniń jol-patrýldik batalonynyń qyzmetkerleri saǵat 14:00 shamasynda temirjol arqyly ótetin kópirdiń shetinde turǵan kelinshekti baıqap qalady. Polıtsııa serjanty Asylhan Abdýllın kelinshektiń janyna baryp, odan mán-jaıdy surap bilýge tyrysqan.
«Kópirden sekirmek bolǵan áıeldiń aıtýynsha, ol joldasymen urysyp qalǵan. Sol sebepti, úıine qaıtyp oralǵysy kelmegen. Biraz ýaqyt kelinshekpen áńgimelesken Asylhan ony raıynan qaıtaryp, aýdandyq ІІB, keıin úıine jetkizip kúıeýimen profılaktıkalyq áńgime ótkizdi», - dep túsindirdi baspasóz qyzmetindegiler.
Aıta ketsek, oblystyq ІІD basshylyǵy jas kelinshektiń ómirine arasha túsken polıtsııa serjanty Asylhan Abdýllındi marapattaý týraly sheshimge kelip otyr.
