Kúıeýimen sózge kelip qalǵan pavlodarlyq kelinshek terezeden sekirip ketti
PAVLODAR. QazAqparat - Pavlodarlyq polıtseıler sýıtsıd oqıǵasynyń sebep-saldaryn anyqtap jatyr, dep habarlaıdy, «QazAqparat» HAA tilshisi.
«Oqıǵa 22 naýryz kúni túngi saǵat 02.30 shamasynda Qarataev kóshesindegi kópqabatty úılerdiń birinde bolǵan. Іshimdikke mas bolǵan 22 jastaǵy kelinshek kúıeýimen bolǵan otbasylyq kıkiljińnen keıin ózin-ózi óltirý maqsatynda ekinshi qabattan sekirip ketti», - dep habarlady Pavlodar oblysy ІІD-niń baspasóz qyzmetinen.
Terezeden sekirip, jaraqat alǵan Pavlodar qalasynyń turǵynyn jedel járdem qyzmeti aýrýhanaǵa jetkizdi. Qazir tártip saqshylary sotqa deıingi tergeý jumystaryn júrgizip jatyr.
