Kúıeýi ústine benzın quıyp, órtep jibergen áıeldiń beti beri qarady
NUR-SULTAN. QazAqparat – Elordada denesiniń 75 paıyzyn kúıik shalyp, aýrýhanaǵa túsken áıel esin jıdy. Ol qazir ózdiginen demalyp jatyr, dep habarlaıdy QazAqparat tilshisi.
«2019 jyldyń 6 qazanynda Ulttyq travmatologııa jáne ortopedııa ǵylymı-zertteý ınstıtýtyna shuǵyl jetkizilgen, denesiniń 75 paıyzyn kúıik shalǵan zardap shegýshiniń jaǵdaıy turaqty aýyr kúıde. Jaqsarý dınamıkasy baıqalady. Naýqas esin biledi. Ózdiginen demalyp jatyr. Búırek jetkiliksizdigi saqtalýda», - dep habarlady Ulttyq travmatologııa jáne ortopedııa ǵylymı-zertteý ınstıtýtynyń baspasóz qyzmeti.
Eske sala ketsek, osydan bir aı buryn elordalyq azamat otbasylyq janjal kezinde áıeliniń ústine benzın quıyp, órtep jibergen edi.
«6 qazan kúni saǵat shamamen 11.40-ta polıtsııaǵa avtobýs aıaldamasynda denesin kúıik shalǵan áıeldiń otyrǵany týraly aqparat tústi. Áıel tez arada aýrýhanaǵa jatqyzyldy. Atalǵan fakti boıynsha polıtsııa qyzmetkerleri kúdikti retinde onyń 43 jastaǵy kúıeýin ustady», - dep habarlady Nur-Sultan qalalyq polıtsııa departamenti.
Al Nur-Sultan qalasyndaǵy Travmatologııa jáne ortopedııa ǵylymı-zertteý ınstıtýty dárigerleri áıeldiń aman qalýy ekitalaı ekenin habarlaǵan edi.
