Kúıeýi soqqyǵa jyqqan B.Esentaeva jansaqtaý bóliminde jatyr

TALDYQORǴAN. QazAqparat - Tanymal telejúrgizýshi, prodıýser Baıan Esentaeva Talǵar aýdandyq aýrýhanasyna pyshaq jáne bas-súıek jaraqatymen jatqyzyldy.

Almaty oblystyq densaýlyq saqtaý basqarmasynyń habarlaýynsha, 10 maýsymda saǵat 12.15-te jedel járdem kóligi oqys oqıǵa oryn alǵan janarmaı quıý stansasyna barǵan. Keıinirek Baıan Esentaevanyń kúıeýi Baqytbek Esentaevpen kıkiljiń barysynda soqqyǵa jyǵylǵany anyqtaldy.

Kúıeýi B.Esentaevany soqqyǵa jyǵyp, ishinen pyshaqtaǵan. Ol aýdandyq aýrýhanaǵa jetkizilip, oǵan 3 saǵatqa sozylǵan ota jasalǵan.
«Baıan Esentaeva áli esin jıǵan joq, onyń jaǵdaıy aýyr, ol apparatqa qosylǵan», - dep habarlady oblystyq densaýlyq saqtaý basqarmasy.
Al, Baqytbek Esentaev Talǵar aýdandyq ІІB-ine jetkizildi.