Kúıeýi órtemek bolǵan áıel balalaryn qaıtara almaı júr
ALMATY. QazAqparat - Eki jasar ulynyń kóz aldynda óz áıeli Aqerke Baıǵazıevany órtegen er adam balalaryn jubaıyna bermeı júr.
Eske salaıyq, keshe Almaty qalalyq soty mamandandyrylǵan aýdanaralyq sotynyń sheshimin buzyp, balalardy anasymen qaldyrýǵa úkim shyǵarǵan edi.
QazAqparat tilshisine Aqerke Baıǵazıevanyń aıtýynsha, apellıatsııalyq sot otyrysy keshe 4 qazan kúni boldy.
«Biz balalarǵa anasynan artyq eshkim qaraı almaıtyndyǵyn jazyp, apellıatsııalyq aryz-shaǵym berdik. Sýdıalar bolǵan oqıǵa týraly suraqtar qoıdy, qamqorlyq organdary da balalardy anasyna berý kerek degen pikir aıtty. Baqytymyzǵa oraı, sot balalardy bólip, úlken balalardy ákesine berý kerektigi týraly mamandandyrylǵan aýdanaralyq sottyń sheshimin buzdy. Sot balalardy anasymen, ıaǵnı menimen tursyn dep úkim shyǵardy. Men balalardyń ákesimen aralasýyna qarsy bolmaımyn, tek menimen tursa boldy», - dedi A.Baıǵazıeva.
Alaıda, Aqerkeniń aıtýynsha, jubaıy balalardy qaıtarǵysy kelmeıdi.
Buǵan deıin habarlanǵandaı, oqıǵa 2015 jyly 24 jeltoqsanda boldy. Er adam eki jasar ulynyń kózinshe áıeline benzın quıyp, ony órtep jibergen. Aqerke 1, 2 jáne 3-dárejeli kúıik jaraqattaryn aldy. Fakti boıynsha áıel polıtsııaǵa aryz jazdy, biraq qylmys quramynyń bolmaýynan is toqtatyldy. Jaqynda is qaıta qozǵaldy. Almatydaǵy kámeletke tolmaǵandar isteri jónindegi mamandandyrylǵan aýdanaralyq soty eki balany ákesimen qaldyrý týraly sheshim qabyldady. Anasymen kishi - tórt jasar ul qaldy.
