Kúıeýi men qyzyn óltirgen áıel 19 jylǵa sottaldy
KÓKShETAÝ. QazAqparat - Aqmola oblysynda azamattyq nekedegi kúıeýi men kámelettik jasqa tolmaǵan qyzyn óltirgen 30 jastaǵy áıel 19 jylǵa sottaldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Aqmola oblysynyń qylmystyq ister boıynsha mamandandyrylǵan aýdanaralyq sotynda Esil aýdany Qalmakól aýylynyń turǵyny M.Lıalınaǵa qatysty sot otyrysy ótti. Sotta anyqtalǵandaı M.Lıalına 2017 jyldyń 7 qarashasynda óziniń azamattyq nekedegi kúıeýi M.Podstreshnyı, aýyldastary D.Shákeev jáne P.Varfolomeevpen qosylyp araq ishken. Keıin erli-zaıyptylardyń arasynda janjal shyǵyp, áıeli kúıeýin pyshaqtap óltiredi. Artynsha, qylmystyń izin jasyrý maqsatynda úıine órt qoıady. Órtten 2 jyl 8 aılyq qyzy kóz jumady.
Aqmola oblysynyń qylmystyq ister boıynsha mamandandyrylǵan aýdanaralyq soty M.Lıalına QR QK 99 babynyń 2 bólimi 3,5,13 bólimsheleri boıynsha aıypty dep tanyp, 19 jylǵa bas bostandyǵynan aıyrý jazasyn taǵaıyndady.
Sot úkimi zańdy kúshine engen joq.
