Kúıeýi áıeliniń quny $400 myń bolatyn neke saqınasyn abaısyzda laqtyryp jibergen
ASTANA. QazAqparat - Mıssýrı turǵyny Bernı Skıtıerı óziniń áıeliniń 12,5 karatty neke júzigin abaısyzda laqtyryp jibergen. Saqınanyń quny bolsa, 400 myń dollar.
Er adamnyń sózine qaraǵanda, onyń jary Karla júzigin as úıdegi ústeldiń ústine qaǵaz súlgige qoıyp ketken. Qoqysty áketetin kóliktiń kelgenin estigen Bernı qaǵaz oramaldy alyp, ony qoqyspen birge júk kóligine salyp jibergen. Osylaısha, qundy zat qoqystardyń arasyna tústi.
Er adam qoqys jınaýshylardy 10 tonna qoqystyń arasynan saqınany izdeýge kóndirdi.
25 mınýttan keıin operatsııalyq menedjer Djo Evans júzikpen keldi.
- 10 jaǵdaıdyń 10-da mundaı zattardy taba almaımyz, - dedi Evans. - Saqınany taýyp, ıesine qaıtarý biz úshin úlken qýanysh.
