Kúıeýge shyǵýy úshin 130 000 $ tóledi
ASTANA. QazAqparat - Saýdııalyq qyz óziniń kúıeýge shyǵyp, otbasyly bolýy úshin óziniń aǵasyna kórsetilgen somada «aýyzbastyryq» berýge májbúr bolǵan, dep jazady muslim.kz.
Jıdda qalasynyń Qyzyl teńiz aılaǵynda turatyn oǵan osy kúnge deıin qanshama jigit quda túsip, sóz salǵanymen, qataldyq tanytqan týysqan aǵasy bolashaq kúıeýbalalarynyń birin de unatpaǵan. Osylaısha, jasy otyzǵa jaqyndaǵan ol óziniń «kári qyz» atanyp, qatarlastarynyń januıalaryna qyzyǵyp ta qyzǵanyp qaraıtyn jaǵdaıǵa jetedi.
Aqyry sońynda aǵasynan nelikten kelisim bermeıtinin suraǵan ol shalqasynan túse jazdaıdy. Qaryndasynyń baqytyn emes, bas paıdasyn oılaǵan ol óziniń kelisimin tek 130 000 $ kóleminde qarjyǵa satatynyn aıtqan. Alǵashynda bul usynystan bas tartqanymen, saýdııalyq qyz keıinnen aǵasynyń kelisimin satyp alýdy jón sanaıdy.
