Kúıeýge shyǵýǵa kelispegeni úshin tirideı órtep jiberdi
ASTANA. QazAqparat - Pákistannyń 18 jasar azamatshasy Sıdra Shaýkat kúıeýge shyǵýǵa kelisim bermegeni úshin ómirimen qoshtasty.
Taýy shaǵylǵan 22 jasar Faıaz Aslam qyzdyń ústine janarmaı quıyp, tirideı órtep jibergen. Bul týraly Newsweek Pakistan agenttigi habarlady.
Kórshileri denesin qatty kúıik shalǵan qyzdy úıinen taýyp alǵan. Alǵan jaraqattarynan Sıdra aýrýhanaǵa bara jatqan jolda qaıtys boldy.
Qazir kúdikti ustaldy. Oǵan qarsy qylmystyq is qozǵaldy.
Qaza bolǵan qyzdyń ata-anasy bul nekege qarsy bolǵan eken. Beti qaıtqan «kúıeý jigit» bolsa, bul árekettiń ózderine aýyr qaıǵy ákeletinin eskertken. Keıin ol úıde eshkim bolmaǵan urymtal sátti paıdalanyp, óziniń «abyroıyn aırandaı etken» arýdan kegin alǵan.
