«Kúıeýi urǵan»: joǵalyp ketken eks-sýdıa Aıgúl Saılybaevanyń jaqyndary onyń qandaı zorlyq kórgenin aıtty
ASTANA. KAZINFORM – Aıgúl Saılybaevanyń aǵasy Qanat Maılybaev ápkesi 3 maýsymnan bastap baılanysqa shyqpaǵanyna alańdaýly. Ol QR SІM Aıgúldiń otbasyna vızalyq qoldaý kórsetkenin, olar dúısenbide Germanııa tarapynan vızany resimdeýge jaýap alýdy asyǵa kútip otyrǵanyn atap ótti. Aıgúldiń dosy men ápkesi jubaıy men enesi oǵan qysym kórsetip, kishkentaı qyzyn tartyp alǵysy keletinin de jasyrmaı aıtty.
Jaqyndary aıtqandaı, Aıgúl Saılybaeva zańgerler otbasynan shyqqan. Ákesi – otstavkadaǵy sýdıa, al anasy – advokat. Aıgúl QazMÝ-dyń zań fakýltetin úzdik bitirip, «Bolashaq» stıpendııasyn ıegeri atanǵan. Astana aýdandarynyń birinde jáne basqa da memlekettik vedomstvolarda sýdıa bolyp jumys istegen.
Qanat Saılybaevtyń aıtýynsha, ol Germanııada jubaıy Aleksandr Dontsovpen, qyzymen, qaıyn enesi Natalıa Dontsovamen birge turady. Bes kún buryn Aıgúl habarlamalarǵa jaýap berýdi toqtatqan.
«Anam Aıgúl qyzyn balabaqshadan úıge alyp bara jatqanda, ıaǵnı 3 maýsymda sóılesipti. Kelesi kúni, 4 maýsymda baılanys toqtady. Tipti, habarlamalar jiberilmedi. Mundaı jaǵdaı eshqashan bolǵan emes. Kúıeýine, qaıyn enesine qońyraý shaldyq, olar jaýap bermedi. Túnde jubaıynyń aǵasy Vladımır Dontsov jaýap berip, Aıgúldiń qyzyn qaıyn enesimen birge aparyp tastap, bir jerge ketkenin aıtty. Keıinirek qaıyn enesi jalǵyz oralǵan. Aleksandrdyń ózi áıeliniń qaıda ekenin bilmeıdi», - dedi Qanat Saılybaev.
Aǵasy kóp uzamaı Aıgúldiń otbasy Qazaqstannyń Germanııadaǵy konsýldyǵyna júgingenin aıtty.
«Aleksandr Dontsov polıtsııaǵa jubaıynyń joǵalǵany týraly málimdemegen. Adamnyń joǵalýy týraly qylmystyq is qozǵaldy. Joǵalǵannan birneshe kún ótken soń Aleksandr qońyraýlarǵa jaýap bere bastady, biraq Aıgúldiń qaıda ekenin bilmeıtinin aıtty. Qaıyn enesi Natalıa Dontsova maǵan jaýap berdi. Áńgimelerdiń birinde ol kináli emes ekenin jáne Aıgúldiń qaıda ekenin bilmeıtinin moıyndady. Budan keıin qaıyn enesi múldem baılanysqa shyqpady», - dep qosty Qanat Saılybaev.
Onyń aıtýynsha, Aleksandr Dontsov – Qazaqstandaǵy bank júıesiniń birinde dırektor bolǵan laýazymdy azamattyń nemeresi. Ol Aıgúl joǵalyp ketkennen keıin biraz ýaqyt ótken soń kezinde abyroıy dúrkirep turǵan Aleksandr Dontsovtyń úlken ájesi Aleksandrdyń kámeletke tolmaǵan qaryndasymen birge Qazaqstannan shuǵyl ketip qalǵan.
Aıgúl Saılybaevanyń dosy Malıka Takenova stýdent kezden bastap onymen dos bolǵanyn jáne ony jaýapkershiligi mol adam retinde biletinin atap ótti.
«2019 jyly Aıgúl Aleksandr Dontsovqa turmysqa shyqty. Aıgúl jubaıy ekeýiniń arasynda alǵashqy kıkiljiń 2021 jyly Reseıden Germanııaǵa kóship, enesi Natalıa Dontsovamen birge tura bastaǵanda bastalǵanyn aıtty. Aleksandr doktorantýrada oqyp júrip, otbasyn bar jaǵynan qamtamasyz etti. Aleksandrdyń Aıgúlge degen kózqarasy ózgere bastady. Erli-zaıyptylar jıi urysa bastady», - dep atap ótti Malıka Takenova.
Ol dosynyń az sóılese bastaǵanyn jáne ózin nashar sezinetinine shaǵymdanǵanyn, depressııa týraly aıtqanyn jetkizdi.
«2023 jyldyń jeltoqsanynda erli-zaıyptylar qyzymen Almatyǵa ushyp keldi. Biz Aıgúlmen az ýaqyt jolyqtyq. Men onyń kúıeýi ýaıymdaıtynyn aıtyp, asyǵyp ketkenine nazar aýdardym. Aıgúl jubaıynyń agressıvti bolyp bara jatqanyn aıtty. Tipti osy jyly Aıgúldi ura bastaǵan. Al buǵan deıin kúıeýi qorlap kelgen», - dep naqtylady ol.
Malıka Takenovanyń aıtýynsha, konsýldyq qyzmetkerler Aleksandrdan anasy Natalıa Dontsova Aıgúl joǵalyp ketpes buryn onyń zattaryn jınaǵanyn, al Aleksandrdyń ózi áıeliniń aqshasy men qujattaryn alǵanyn bilgen.
Sondaı-aq, joǵalǵan adamdardyń jaqyndary Dontsovtar otbasynyń birneshe azamattyǵy bar dep sanaıdy. Sonyń ishinde Qazaqstan, Germanııa, Reseı, Ýkraına jáne grın-karta da bar.
«Aıgúl Aleksandr esh eskertpesten Reseı azamattyǵyn alý úshin óziniń jáne qyzynyń qujattaryn tapsyrǵanyn aıtty. Dosym bul týraly tek azamattyq alýdyń suhbattasý kezeńinde bilgen. Aıgúl enesi men jubaıy qyzyn alyp ketkisi keledi dep qorqady. Natalıa Dontsova ár túrli syltaýmen Aıgúlden qyzdy ózine qaldyrýdy ótingen. Aıgúl ajyrasýdy josparlady, biraq qyzyn ózimen birge alyp ketkisi kelgen. Al Aleksandr muny bopsalady, Aıgúl qyzynyń qasynda turý úshin aıtqanynyń bárin jasady», - dedi Malıka Takenova.
Aıgúl Almatyǵa kelgen kezinde ápkesi Juldyzaı Abýdbaıdovamen de sóılesip, syryn aıtqan.
«2024 jyldyń 6 aqpanyna deıin men Aıgúldiń jaǵdaıy jaqsy dep oıladym. Biraq kezdesýde ol maǵan Aleksandrdyń qyzdyń barlyq qujatyn alyp, úıden tys jerde jasyrǵanyn, balasymen birge úıden shyǵýǵa tyıym salǵanyn, jaqyndarymen sóılesýine jol bermeıtinin aıtty. Onyń aıtýynsha, kúıeýi Aıgúl artyq nárseni aıtady dep qoryqqan. Men oǵan Qazaqstanda qalýǵa keńes berdim, biraq ol bala úshin Germanııaǵa ushý kerek dedi. Munda qyzymen birge bola almaıdy, óıtkeni jubaıy balany Germanııa polıtsııasyna urlap áketkenin málimdeı alady. Meniń «Jalǵyz ushýdan qoryqpaısyń ba?» degen saýalyma ol kóp nárseni biletinin, sondyqtan olar oǵan eshteńe jasaı almaıtynyn aıtty», - dep qosty Juldyz Abýdbaıdova.
QR SІM resmı ókili Aıbek Smadııarov Kazinform tilshisiniń suraǵyna jaýap bere otyryp, bul is Germanııadaǵy qazaqstandyq dıplomattardyń baqylaýynda ekenin aıtty. Jergilikti polıtsııa izdestirý sharalaryn bastady. Konsýl Aıgúldiń týystarymen turaqty baılanysta.
